मिथिलाक रहनिहार प्रसिद्ध वलीवुड अभिनेता रामबहादुर रेणु सम्प्रति “मुगले आजम” नाटकक प्रदर्शनक क्रममे संयुक्त राज्य अमरिकाक भ्रमणपर नाटकके टीम सङ्ग छथि आ अइ क्रममे पछिला सप्ताह ओरलैंडो शहरमे छलाह।
अभिनेता रेणु अखन जैक्सन हाल्ट नामक मैथिली फिल्ममे अपन सशक्त अभिनयके लकऽ खूब चर्चामे छथि। उक्त फिल्म बेजोड़ नामक ओटीटी माध्यमसँ खूबे देखल आ प्रंशसा कएल जा रहल अछि । …… से ओरलैंडो प्रवासक क्रममे ओतऽ उप ओटीटीक माध्यमसँ जैक्सन हाल्ट फिल्मक स्क्रीनींग कएलनि आ उपस्थित गैर मैथिलीभाषी दर्शक – लोकनि सेहो फिल्मक खूब प्रशंसा कएलनि ।
अइ सुखद क्षणमे नाटक मुगले आजम टीमक राजेश जैश, निसार खान, तारीक अहमद खान, धनवीर सिंह, नेहा सरगम, प्रियंका वार्वे, युद्धवीर अह्लावत, अपर्णा उपाध्याय, अमित पाठक, पल्लवी जायसवाल, रचना गुप्ता, चिराग गर्ग, पूबाली सान्याल, सोनल झा , संजीव विल्सन, रूपसा मुखर्जी, आसिमा महाजन आदि उपस्थित छलाह आ फिल्मक सराहना कएलनि ।
श्रोत : मैथिल पुनर्जागरण प्रकाश
