मधेश प्रदेशक मुख्यमन्त्री सरोज कुमार यादव आइ विश्वासक मत ल’ रहल छथि।
माघ ९ गते जनमत पार्टीके दुई मन्त्री मधेश सरकार छोड़ि विश्वासक मत फिर्ता लेलाक बाद मुख्यमन्त्री यादव आइ विश्वासक मत लेबए जा रहल छथि।
प्रदेश सभा सचिवालयक कार्यवाहक सचिव अरुण कुमार झा बतौलनि जे विश्वासक मत लेबाक उद्देश्यसँ आइ अपराह्न २:०० बजे मधेश प्रदेशसभाक बैसार बजाओल गेल छै। मुख्यमन्त्री यादव बिहाने मधेस राज्य विधानसभा सचिवालयकेँ रविदिन विश्वासक मत लेबाक लेल पत्र पठौने छलाह।
जसपाके यादव बितल पुस २७ गते मधेश प्रदेशक मुख्यमन्त्री नियुक्त भेल छल। मुख्यमंत्री बनलाक बाद ई तेसर बेर अछि जे यादव विश्वासक मत मांग रहल छथि।
मधेशक १०७ प्रदेशसभा सदस्यमेसँ यादवकेँ विश्वासक मत प्राप्त करबाक लेल ५४ सदस्यक समर्थनक आवश्यकता अछि। ओ नेपाली कांग्रेस, नेकपा (माओवादी केन्द्र), एलएसपी आ एकीकृत समाजवादी पार्टीक समर्थनसँ सहज स्थितिमे छथि।
