सोनवर्षा, नवराजपुर (सिरहा) मे बौआबुच्चीक संगीत शिक्षा शुभारम्भक प्रारूप तैयारी सम्बन्धमे singing audition सु-सम्पन्न भेल अछि।
आयोजक विद्यालय माँ हजारी इ.बो. स्कूलक संस्थापक शिवदेव साह, पालिका अध्यक्ष शिवउद्गार यादव आ विभिन्न अध्यात्मिक व्यक्तित्वसभक उपस्थिति तथा अभिव्यक्ति रहल छल।
ओइ अवसरपर एलकेजीसँ कक्षा ८ धरिक ४४ टा विद्यार्थी संगीत शिक्षाक लेल अपन इच्छा दर्शाबैत गीत प्रस्तुत कएने छलथि।
सञ्चारकर्मी तथा लोकप्रिय लोकगायिका रुपा झा, कवि एवं गीतकार सुरेश गुप्ता आ चर्चित गायक तथा विद्यालयमे संगीत शिक्षा देनिहार तेजू मैथिल संगीत शिक्षा लेल उपयुक्त विद्यार्थीसभक चयन कएने छलथि।
कार्यक्रममे विद्यालयक प्रिन्सिपल लक्ष्मण राय, पत्रकारद्वय महेश सिंह आ रहमूल राइन, मैथिली अभियानी नारायण मधुशालाक संगहि क्षेत्रक अनेको गन्यमान्य व्यक्तित्वसभक सहभागितासँ समारोह साधारणो बगय-बानिमे बेस आभामय भेल बात कार्यक्रमक विशिष्ट अतिथि सुप्रसिद्ध साहित्यकार, सङ्गीतज्ञ एवं सञ्चारकर्मी धीरेन्द्र प्रेमर्षि सामाजिक संजालपर लिखैत बतौने छथि।
